د امریکا د بهرنیو چارو وزیر هیله مند دی چې د منځني ختیځ د سولې د پروسې په ترڅ کې د اسرایل او فلسطنیانو ترمنځ اوسني اختلافات راکم کړي.
تمه کیږي چې جان کري به نن منځني ختیځ ته ورسیږي.
په دې ترڅ کې د فلسطیني ادارې مشر محمود عباس ویلي چې دوی به په فلسطیني سیمو کې د اسراییل له خوا د نویو یهودي میشت ځایونو د جوړولو پر ضد دیپلوماتیک او قانوني ګامونه واخلي.
عباس په رم الله ښار کې وویل، د نورو یهودي میشت ځایونو جوړول دا ښيي چې اسراییل د سولې په خبرو اترو کې جدي نه دی.
اسراییل په تیره جولايي میاشت په لویدیځه غاړه او ختیځ بیت المقدس کې د زرګونو نویو میشت ځایونو د جوړولو پلان اعلان کړ.
