'د پاکستان استخباراتي ادارې دې له وسلوالو سره اړيکي وشلوي'

نن د چارشنبې پر ورځ په کوټه کې د عوامي نېشنل پارټۍ له لوري رابلل شوې ټول ګوندیره غونډه کې د پیسو لپاره د تښتونو خلاف په یوه پرېکړه لیک کې د بلوچستان له صوبايي او د پاکستان له وفاقي حکومته غوښتنه وکړل شوه چې په دغه پېښو کې د لاسلرونکو او د هغوی سرپرستي کوونکو ډلو ټپلو پر ضد دې سخته کاروايي وکړل شي. دا ټول ګوندیزه غونډه د اې اېن پي د تښتول شوي مشر ارباب عبدالظاهر کاسي د راخوشي کېدو په مناسبت رابلل شوې وه. په غونډه کې د پاکستان پر استخباراتي ادارو غږ وشو چې هغوی دې له وسله والو ډلو سره خپل اړیکي وشلوي. دغې غونډې ته د اې اېڼ پي، پښتونخوا ملي عوامي پارټي، جمعیت العلماء اسلام ف او نظریاتي، بلوچستان نېشنل پارټي او د ځینو نورو ګوندو استازي ورغلي ول. د مشال خبریال خدای نور ناصر کښلي تصویرونه