د افغانستان د انتخاباتو خپلواک کمېسیون وايي، چې د راتلونکو انتخاباتو لپاره د رایې ورکوونکو د نوم لیکنې د بهیر دریم پړاوو تیره (دوشنبه) پای ته ورسیده.
له دې سره به په ولسوالیو کي د نوم لیکنې مرکزونه او ګرځنده ټیمونه تړل کیږي.
خو د انتخاباتو د خپلواک کمیسیون مسوولین وايي چې د ټولو ولایتونو په مرکزونو کې به د رایې ورکوونکو د نوم لیکنې مرکزونه د وري میاشتي تر دویمې ورځې پوري خلاص وي.
د افغانستان د ولسمشرۍ او ولایتي شوراګانو انتخابات د راتلونکي کال د وري پر شپاړسمه کیږي.
