د افغانستان، بریتانیا او پاکستان مشران د افغانستان د سولې د بهیر د چټکولو لپاره په راتلونکې اونۍکې په لندن کې غونډه کوي.
د افغانستان ولسمشر حامد کرزی ، د برتانیا وزیراعظم ډیوډ کېمرون او د هغه پاکستانی سیال نوازشریف به په دې غونډه کې ګډون کوي.
د افغانستان د سولې د عالي شورا ویاند مولوي شهزاده شاهد تېره ورځ مشال راډیو ته د دې غونډې په اړه داسې وویل ، په دې غړنډه کې به پر نورو موضوعاتو هم خبرې وشي خو په افغانستان کې به د سولې راوستل تر ټولو مهمه موضوع وي.
د برتانوي وزیراعظم ډېوډ کېمرون په کوربتوب کې د کېدونکې دې درې ملکي غونډې لپاره لا د نېټې اعلان نه دی شوی.
