په کوټه کې د ډاکټرانو د تښتونې پر ضد هړتال
په کوټه کې ډاکټرانو د خپل ملګري ډاکټر مناف ترین د تښتوولو پر ضد د نه خوړلو علامتي هړتال پېل کړي دی. ډاکتران وايي، د دا وار احتجاج به يې د مناف تر خوشي کېدو نه بلکې تر هغه وخته جاري وي چې د دوی په خبره د ډاکټرانو د تښتوولو پېښې بندي شوي نه وي. د پاکستان د ډاکترانو د اتحاديې يوه مشر ډاکتر حق داد ترین چې د نه خوړلو په علامتي هړتال کې و، مشال راډيو ته وویل چې د صوبې د ټولو لوړ پوړو چارواکو دروازې يې وټکولې خو تر اوسه يې لاهم تښتوول شوی ملګری راخوشي شوی نه دی.