په شام کې د کیمياوي وسلو د برید دعوه شوې
په دغه ویډيو کې ادعا شوې چې د شام حکومت پر خپلو مخالیفینو د کیمیاوي وسلو برید کړی. دغه ویډيو چې د شام رژیم مخالفینو پر ټولنیزه مېډيا خپره کړې، په کې ښودل کېږي چې د دمشق څنډو په یوه روغتون کې د ماشومانو په ګډون د ګڼو خلکو مړي پراته دي، او ژوندي پاتې کسانو ته بېړنۍ درملنه ورکول کېږي. د شام بشري حقونو لندن مېشته څار ډله وايي، پر ۲۱م اګست د زهرجن غاز برید ګڼو خلکو ته مرګه ژوبله اړولې خو د شام حکومت دغه ادعاوې ردوي. ازادو سرچینو د دغه ادعا شوې ویډیو د کره والي پخلی نه دی کړی.