د مصر د پوځ لخوا د محمد مورسي د حکومت ختمولو نه راپه دیخوا دا ددې هېواد اولنې لنډمهاله حکومت دی چې د وزیراعظم هازم الببلاوي په مشرۍ د هیواد چارې پر غاړه اخلي.
د لنډمهالي حکومت غړو په داسې حال کې د لوړې کولو دغه مراسم ترسره کړل چې پرون پر دوشنبه هم د پخواني صدر محمد مرسي پلویانو په قاهره او نورو ښارونو کې خپلو احتجاجونو او مظاهرو ته دوام ورکړ او نوې کابینه یې غیر آییني او غیر قانوني وګرځوله.
