د لاسرسي ځای

تازه خبر

د پښتونخوا اسمبلۍ لومړۍ غونډه پر ۲۹مه مې کېږي


د خیبر پښتونخوا ګورنر شوکت الله د صوبايي اسمبلۍ لومړۍ غونډه د روانې میاشت پر ۲۹ مه نېټه بللې ده.

په غونډه کې به د اسمبلۍ نوي منتخب شوي غړي سوګند کوي.
د اسمبلۍ سپیکر کرامت الله خان به نویو غړو ته قسم ورکوي او بیا به د پښتونخوا اسمبلۍ له پاره نوی سپیکر او مرستیال سپیکر منتخبېږي.

د مې د ۱۱مې په انتخاباتو کې د صوبايي اسمبلۍ پر عمومي څوکیو ۹۹ غړي وټاکل شول.

د قانون تر مخې، ۲۲ څوکۍ ښځو او درې لږکیو ته ورکړل شوې دي. دا ځانګړې څوکۍ دي.

د نتیجو تر مخې په پښتونخوا کې تر ټولو زیاتې څوکۍ پاکستان تحریک انصاف تر لاسه کړې دي چې له جماعت اسلامي او قومي وطن ګوند سره به شریک حکومت جوړوي.

د مشال ځانګړې پاڼې

XS
SM
MD
LG