د لاسرسي ځای

تازه خبر

پاکستان انتخابات: د ووټونو شمېرلو عمل پیل

په پاکستان کې د پارلېماني انتخاباتو له پاره رایه اچونه روانه ده. د رایې اچونې لړئ د شنبې پر ورځ سهار په اته بجې پیل شوه.


لنډیز

په پاکستان کې د پارلېماني انتخاباتو له پاره رایه اچونه پای ته رسېدلې ده. د رایې اچونې لړئ د شنبې پر ورځ سهار په اته بجې پیل شوه چې بې له وقفې به د مازیګر تر شپږو بجو روانه وه.

تر دې وروسته د ووټونو د شمېرلو عمل پیل شوی دی.


د پاکستان انتخاباتو په ترځ کې په ټول هیواد کې سخت امنیتي ګامونه اخیستل شوي ول.

د پاکستان تحریک طالبان د انتخاباتي عمل په نښه کولو ګواښ کړی وو.

۱۹:۳۲ ۱۱.۵.۲۰۱۳
انځور سایز مشال راډیو
په میرام شا (شمالي وزیرستان) کې خلک د ووټ اچولو له پاره په کتار کې ولاړ دي.
په میرام شا (شمالي وزیرستان) کې خلک د ووټ اچولو له پاره په کتار کې ولاړ دي.
۱۹:۲۸ ۱۱.۵.۲۰۱۳
انځور سایز مشال راډیو
په میرام شا (شمالي وزیرستان) کې خلک ووټ اچولو ته ورغونډ شوي دي
په میرام شا (شمالي وزیرستان) کې خلک ووټ اچولو ته ورغونډ شوي دي
۱۸:۰۵ ۱۱.۵.۲۰۱۳
انځور سایز مشال راډیو

تازه خبر: د پاکستان انتخاباتي کمېشن سېکرټر اشتیاق احمد ویلي دي چې په خیبر پښتونخوا او قبایلي سیمو کې په سوله ییزه توګه د ووټونو اچولو عمل شوی دی.


خبري غونډې ته د وینا پر وخت احمد وویل، نن دوی د خیبر پښتونخوا، قبایلي سیمو او بلوچستان د حالاتو په اړه اندېښمن ول خو د ((خوشالۍ خبره ده چې په ټول هیواد کې د ووټونو اچولو عمل په سوله ییزه توګه پای ته رسېدلی دی.))

اشتیاق احمد وویل، د خیبر پښتونخوا په ځینو ځایونو کې خو ۶۰ یا ۶۱ فیصده خلکو رایه ورکړه چې دا ((ډېر خوښوونکی کار)) دی.
۱۷:۵۲ ۱۱.۵.۲۰۱۳
انځور سایز خدای نور ناصر

تازه خبر: د بلوچستان د زرغون اباد (نوي کلي) په پولېنګ سټېشن کې ډزې شوې دي.


دا د بلوچستان پي بي شپږم حلقه ده.

دلته دوو سیاسي ګوندونو (پښتونخوا ملي عوامي ګوند او عوامي نیشنل ګوند) تور پورې کړ چې د پاکستان تحریک انصاف ګوند کسان پولېنګ سټېشن ته ننوتي ول او هلته یې ښځې مجبورولې چې تحریک انصاف ته رایه ورکړي.

د دې په نتیجه کې هنګامه وشوه او بیا امنیتي سرتېرو ډزې وکړې.

په دې ډزو کې هیڅ کس نه دی ژوبل شوی.

دلته د تحریک انصاف غړو خبریالان هم پولېنګ سټېشن ته دننه نه دي پرېښي چې د پښتونخوا ملي عوامي او عوامي نیشنل ګوند د تور پلټنه وکړي.

نور وښیئ

XS
SM
MD
LG