په روان ژمې دا دوېیم ځل دې، چې په کابل کې واوره وریږي، زیاتره خلک د واورې ورښت ته خوشبینه دي او وایي، چې د واورې اورښت هېواد ابادوي.
په کابل ښار کې له ولایتونو څخه کډه شوي کورنۍ د واورې له وریدو سره سم، د خوړو او پوښاک نه لرلو اندیښمنې کړي دي.
د کابل په قمبر واټ کې میشتو بې ځایه شوو کډوالو د پنجشنبې په ورځ ازادي رادیو ته وویل، حکومت ورسره تر اوسه ژمنی مرستې نه دي کړي.
د ازادی راډیو د انلاین د څانګې خبریال سباوون یو څو عکسونه اخیستي او دلته يي په یوه ګالري کې سره یوځای کړي دي.
