کرزی باید د بهرنیو پوځیانو مننه وکړي، پانیټا
د امریکا د دفاع وزیر لیون پانیټا پر افغان ولسمشر حامد کرزي غږ کړی دی چې په خپل هیواد کې دې پر مېشتو بهرنیو پوځیانو د انتقاد پر ځای هغو پوځیانو ته مننه ووايي چې په جګړه کې وژل شوي دي. د پانیټا تر دې خبرو یوه ورځ مخکې کرزي د امریکا په مشرۍ کې پر بهرنیو پوځیانو انتقاد کړی وو چې د هغو وسله والو پسې په تګ کې او د هغوی په نښه کولو کې پاتې راغلي دي چې په افغانستان کې حملې کوي او بیا په ګاونډي پاکستان کې په محفوظو ځایونو کې اوسي.