امریکا د خپلو څلورو سرتېرو د وژنې پخلی کړی

امریکايي چارواکو منلي چې په افغانستان کې يې د يو هلي کاپټر د غورځيدو له وجې څلور پوځيان وژل شوي دي.

د امریکا د دفاع وزارت چارواکي وايي د زيارت په ورځ د غورځيدلې دې الوتکې د نسکوريدو لامل خراب موسم وو.

د هلمند ولايت د ګرمسیر ولسوالۍ ولسوال هم ویلي چې د امریکايي ځواکونو هیلوکوپټر د پېښې پر سیمه د الوتنې په حال کې وه چې د خرابې هوا له کبله وغورځیده.

بل خوا وسله والو طالبانو ویلي چې دا هیلو کوپټر دوی رانسکوره کړې خو امريکايي چارواکو دا دعوه بې ځايه بللي.