د يو بل خبر تر مخه چارواکي وايي د ټانک ضلعې سره نيزدې له عمر خان کلي څخه نامعلومه وسله والو د نعمت خيل امن کميټۍ پنځه کسان تښتولي دي. د دې پيښې پړه لا تر اوسه چا په غاړه نه ده اخيستي.
د پښتوخوا حکومت وايي د ترهګرۍ ضد جګړه کې ددغه صوبې پولیس او امنیتي سرتېري په بیا بیا د وسله والو لخوا د ترهګرۍ په پېښو کې تر بریدونو لاندې راځي او ګڼه مرګ ژوبله ورته اوښتې او ددغه صوبې د بجټ یوه لویه برخه هم پر امنیت ساتنه لګېږي.
په پاکستان کې د پاک امن مطالعاتي انسټیټوټ په نامه د یوې څېړنې له مخې د ۲۰۱۱م کال تر ډسمبر پورې په قبایلي سیمو او خیبر پښتونخوا کې ۴۹۹ امنیتي سرتېري وژل شوي او ۴۲۰ یې ژوبل شوي دي.
له سوات سره جوخت په بونیر ضلعه کې وسله وال طالبان له سیمې په وتو دي.دوی هغه مهال سوات او د مالاکنډ ډیویژن ډېرې برخې تر ولکې لاندې راوستې وېاو په زوره به یې پر خلکو خپل نظریه تپله.۲۴ ابریل ۲۰۰۹م کال
د شنونکو په خبره چې د پښتونخوا پر امنیتي ځواکونو ځکه بریدونه کېږي چې په سیمه کې امنیتي تشه رامنځ ته کړي او پر ځای یې بیا وسله وال اورپکي راشي.همداسې یوه بېلګه په سوات کې هم د ۲۰۰۹ م کال په اوږدو کې ترسترګو شوه چې په دغه سیمه کې په بیا بیا پولیس سرتېري په نښه کېدل او د هغوی ځای د ملا فضل الله په مشری طالب اورپکو ونیولی.
په سوات کې بیا وروسته د پاکستاني پوځ لخوا د طالبانو ضد عملیاتو کې په لکونه خلک له سیمې بې کوره شو.چې ددغه ملک په تاریخ کې به لومړي ځل په خپل هیواد کې دننه خلک کډه کولو ته مجبوره شول.
