غلام غوث، مشال راډیو
پېښور - په پاکستان کې هر کال ۲۰ زره میندې د ماشوم د زېږولو پر مهال مري.
دا ځکه چې د حامله ښځو د روغتیا لپاره په مرکزونو کې معاینې نه کېږي. نو په دې ترځ کې د مور او ماشوم د روغتیا په اړه اوونۍ لمانځل کېږي چې موخه یې له دې لارې شعور بیدارول دي.
د یوې غیر دولتي ادارې سنټر اف اېکسي لینس فار رورل ډېوېلپمنټ (د کلیو د پرمختګ لپاره مرکز) غړې ډاکترې نوشین مشال راډیو ته وویل چې د نومبر له څوارلسمې نېټې تر ۱۹مې پورې به د مور او ماشوم د روغتیا په اړه دا اوونۍ لمانځل کېږي.
دې وویل، که چېرې د حمل پر مهال د ښځو روغتیا ته پاملرنه وشي نو د مور او ماشوم پر مرګ قابو میندل کېدای شي.
ډاکتره نوشین وايي، په پاکستان کې هر کال ۲۰ زره میندې، او څلور لکه ۳۲ زره ماشومان د داسې وجوهاتو له کبله مري، چې درملنه یې ډېره اسانه وي.
نوموړې زیاتوي، د شعور د نشتوالي له وجې دومره ډېره ماشومان مري.
په پاکستان کې ډېر داسې خلک دي چې خپلې مېرمنې د معاینو لپاره ډاکتر ته نه بیايي.
شوکت د پېښور اوسېدونکی دی او وايي، اووه بچي لري خو کله یې هم خپله ښځه د حمل پر مهال، ډاکتر ته نه ده بیولې.
دی وايي، ((سوچه غوړي او نور کورني علاجونه)) د حامله ښځې لپاره کافي وي.
هلته د کلیو د پرمختګ د مرکز مشر سیف الرحمان دراني بیا وايي چې ښځه حامله شي نو هر وخت له خطر سره مخامخ وي، او باید د روغتیا مرکز ته وخت تر وخته، د معاینې لپاره، ور وستل شي.
پېښور - په پاکستان کې هر کال ۲۰ زره میندې د ماشوم د زېږولو پر مهال مري.
دا ځکه چې د حامله ښځو د روغتیا لپاره په مرکزونو کې معاینې نه کېږي. نو په دې ترځ کې د مور او ماشوم د روغتیا په اړه اوونۍ لمانځل کېږي چې موخه یې له دې لارې شعور بیدارول دي.
د یوې غیر دولتي ادارې سنټر اف اېکسي لینس فار رورل ډېوېلپمنټ (د کلیو د پرمختګ لپاره مرکز) غړې ډاکترې نوشین مشال راډیو ته وویل چې د نومبر له څوارلسمې نېټې تر ۱۹مې پورې به د مور او ماشوم د روغتیا په اړه دا اوونۍ لمانځل کېږي.
دې وویل، که چېرې د حمل پر مهال د ښځو روغتیا ته پاملرنه وشي نو د مور او ماشوم پر مرګ قابو میندل کېدای شي.
ډاکتره نوشین وايي، په پاکستان کې هر کال ۲۰ زره میندې، او څلور لکه ۳۲ زره ماشومان د داسې وجوهاتو له کبله مري، چې درملنه یې ډېره اسانه وي.
نوموړې زیاتوي، د شعور د نشتوالي له وجې دومره ډېره ماشومان مري.
په پاکستان کې ډېر داسې خلک دي چې خپلې مېرمنې د معاینو لپاره ډاکتر ته نه بیايي.
شوکت د پېښور اوسېدونکی دی او وايي، اووه بچي لري خو کله یې هم خپله ښځه د حمل پر مهال، ډاکتر ته نه ده بیولې.
دی وايي، ((سوچه غوړي او نور کورني علاجونه)) د حامله ښځې لپاره کافي وي.
هلته د کلیو د پرمختګ د مرکز مشر سیف الرحمان دراني بیا وايي چې ښځه حامله شي نو هر وخت له خطر سره مخامخ وي، او باید د روغتیا مرکز ته وخت تر وخته، د معاینې لپاره، ور وستل شي.
