لیبیا: په طرابلس کې درنې چاودنې اورېدل شوې دي

د ليبيا په پلازمېنه طرابلس کې درنې چاودنې اورېدل شوې دي.
بېګا په طرابلس کې د حکمران معمر قدافي له کور سره نېژدې څلور چاودنې اورېدل شوې دي.
ياده دې وي چې د ناټو هوايي ځواکونو د ليبيايي ياغيانو په ملاتړ د قذافي له کور سره نېژدې پوځي بيرکونه په نښه کړي او بمباري يې پرې کړي ده.
له دې وړاندې د ليبيا د حکومت وياند موسا ابراهيم ويلي ول چې د مارچ له نولسمې نېټې راهيسې د ناټو په هوايي بريدنو کې ۷۱۸ ولسي وګړي وژل شوي او ۴۰۶۷ ژوبل شوي دي.