انیسه اجمل د مشال راډیو خبریاله ده چې د پاکستان او افغانستان په اړه پر بېلابېلو موضوعاتو رپورټونه جوړوي.
دارو خان اڅکزي د سېپټېمبر پر ۱۳مه مشال راډیو ته وویل، دواړه هېوادونه د یو بل لپاره د تجارت تر ټولو ښه بازارونه دي خو حکومتونه یې دې خبرې ته په سنجیدګۍ پام نه کوي. خان جان الکوزی وايي، د پولې تر تړل کېدو مخکې به هره ورځ پر تورخم له ۵۰۰ څخه تر ۶۰۰ پورې مال وړونکو ګاډو تګ راتګ کاوه.
د امریکا د عدلیې وزارت د اګست پر ۲۵ پر خپله ووبپاڼه لیکلي چې د عدالتي اسنادو له مخې، ۳۱ کلن محمد مسعود په پاکستان کې د طب ډاکټر وو او پخوا یې د مېنېسوټا ایالت په راچسټر ښار کې په یو کلېنېک کې د څېړنو د همغږي کوونکي په توګه کار کاوه او په امریکا کې په کاري ویزه اوسېده.
د پاکستان جیو نیوز او ډان ورځپاڼو پر خپلو ووبپاڼو لیکلي چې علي وزیر او ایمان زينب مزارۍ د اګست پر ۲۱مه پر هغوی د جوړې شوې "ترهګرۍ" مقدمې په ترڅ کې عدالت ته حاضر کړل شول. پر دې مهال علي وزیر وويل چې په اسلام اباد کې يې د پښتون ژغورنې غورځنګ په جلسه کې "هېڅ ناسمه خبره" نه ده کړې.
د فلسطین په غربي څنډه کې یوه ښځه خلکو ته د اس سپرلي ورزده کوي. هغه وايي، پخوا به هلته یوازې سړیو د اس سپرلي زده کوله او ښووله، خو اوس یې نجونه هم زده کوي او د اس سپرلۍ او ځغاستې په څېر په لوبو کې برخه اخلي. د رویټرز اژانس له ویډیو جوړ رپورټ.
د غزې تړانګې یو ځوان زاړه ټایرونه میده کوي او بیا یې د لوبغالو په مصنوعي چمن کې کاروي. هغه وايي چې د ټایرونو له سوځېدو سره هوا ککړېږي نو ځکه باید داسې وکارول شي چې چاپېریال ته تاوان و نه رسي. نور د رویټرز اژانس له ویډیو جوړ رپورټ کې.
په اردن کې ښځینه موسیقارانو او سندرغاړو د نایا په نوم د موسیقۍ بینډ یا ډله جوړه کړې ده. دوی د موسیقۍ له لارې د ښځو د ځواکمنولو هڅې کوي. هغې ډلې په عربي او اروپايي هېوادونو کې د موسیقۍ پروګرامونه کړي دي. د رویټرز اژانس له ویډیو جوړ رپورټ.
دا په ۱۹۴۷ز کال کې د پاکستان له جوړېدو راهیسې اوومه سرشمېرنه وه او د هېواد په تاریخ کې لومړۍ برېښنايي (ډېجیټل) مردم شماري وه چې د ۲۰۲۳ز کال د مارچ له لومړۍ نېټې څخه د مې تر ۲۲مې پورې روانه وه.
د جون پر ۱۴مه په یونان کې د کډوالو یوه کښتۍ ډوبه شوې وه چې پکې د پاکستانیانو په ګډون شاوخوا ۷۵۰ کسان سپاره ول. تر هغې پېښې وروسته د پاکستان تر واک لاندې د کشمیر یو اوسېدونکي په ناقانونه توګه اروپا ته د تګ پلان لغوه کړ او خپل کلي ته ستون شو. د فرانس پرېس اژانس له ویډیو جوړ رپورټ.
نوموړی وايي چې بیجنګ د چین پاکستان اقتصادي لارې (سيپیک) د پروژو په لړ کې د توانایۍ، له اوبو د برېښنا پیدا کولو، سړکونو او ټرانسپورټي چارو په ګډون په بېلابېلو برخو کې له ۲۵ اربه (مېلیارده) ډالرو څخه زیاته پانګونه کړې ده.
اخوا د پاکستان د موسمیاتو ادارې د هېواد په مختلفو برخو کې د پشکال بارانونو پر مهال په ښاري سیمو کې د سېلابونو خبرداری ورکړی دی. د موسمیاتو ادارې د جولای پر ۲۱مه په بیان کې د جولای تر ۲۶مې پورې په پېښور، راولپېنډۍ، اسلام اباد، لاهور او ګوجراوالا کې د سختونو ورښتونو له کبله د سېلابونو اټکل کړی دی.
د متحده عربي اماراتو په العین کې د مالګې یو غار ته خلک د سا او پوستکي د بېلابېلو ناروغیو درملنې لپاره ورځي. هغه غار ته مالګه له پولینډه لېږدول کېږي. روغتیاپالان وايي، غار ته تر ورتګ مخکې باید خلک له خپل ډاکتر سره مشوره وکړي. د رویټرز اژانس له ویډیو جوړ رپورټ.
د کابل یوشمېر اوسېدونکي وايي، ټوله ورځ له کوره بهر د ورځنۍ مزدورۍ موندلو پسې ګرځي خو هېڅ کار نه پیدا کوي. دوی وايي، اقتصادي ستونزې یې ورځ تر بلې زیاتېږي او د کورني لګښتونو پوره کولو ته حیران دي. د اسوشيېټېډ پرېس او رویټرز اژانسونو له ویډیو جوړ رپورټ.
که څه هم د پاکستان پوځ په وار وار دا ویلي چې په ښو او بدو طالبانو کې هېڅ توپیر نه کوي او ټولو وسله والو خلاف کارروایانې کوي خو په پېښور کې خبریال شمیم شاهد وايي چې د پاکستان د وسله والو په اړه په پالیسیو کې یووالی نشته
د پاکستان د اردو ژبې جیو نیوز ټېلېوېژن او د انګرېزۍ ژبې ډان ورځپاڼې ویلي دي چې پېښه د جولای پر ۱۶مه د دیامیر په تلیچي سیمه کې شوې ده.
د اقلیمي یا اب و هوا بدلون چارو لپاره د امریکا ځانګړی استازی جان کېري د جولای له ۱۶مې څخه تر ۱۹مې پورې په بیجنګ کې له خپل چینايي سیال شي ژېنهوا سره غږېږي.
ایمنسټي انټرنېشنل د جولايي پر لومړۍ نېټه پر ټویټر په خپور کړي بیان کې ویلي چې" افغان نجونه او ښځې چې د طالبانو تر ظالمانه واکمنۍ لاندې ایسارې او له خپلو ټولو اساسي حقونو او ازادیو بې برخې دي."
په کابل کې یو رستوران د چېنکي خوړو لپاره ډیر مشهوره دی. د دې رستوران مالک وايي چې د تېرو شاوخوا ۶۰ کلونو راهیسي دا خواړه جوړوي او خرڅوي. دا چې چېنکي کوم ډول خواړه دي او ولې مشهوره دي، انیسه اجمل په دې اړه د اې ایف پي اژانس له ویډیو دا راپور جوړ کړی دی.
په يونان کې د ډوبې شوې کښتۍ قربانيانو پر کورنيو ماتم دی
د چین په غربي سېنکیانګ (شېنجیانګ) ولایت کې د ښځو یوې ډلې د ګلدوزۍ مرکز پرانیستی دی. په هغه مرکز کې پر قالینو، جامو او نورو شیانو د قازقستان دودیزه ګلدوزي کېږي. د مرکز چلوونکي وايي، په چین او قازقستان کې په لاس جوړ شیان ډېر مشهور دي. د اسوشيېټېډ پرېس اژانس له ویډیو جوړ رپورټ.
نور وښیئ
