ایران: تازه ویډیو ښيي چې مشهد کې لاریونوال له ډزو پټېږي

په ایران کې چارواکو له وروستیو حکومت ضد لاریونونو راهیسې هلته له خلکو سره رابطې او انټرنېټ ته لاسرسی محدود دی، خو اوس ورو، ورو د مظاهرچیانو پر وړاندې د سخت چلند نخښې څرګندېږي. په دې لړ کې په یوه تازه ویډیو کې ښکاري چې لاریونوال له ناتاره ډزو ځانونه پټوي او یو کس یو ټپي خوندي ځای ته لېږدوي. دا ویډیو د جنورۍ پر اتمه په مشهد کې ثبت شوې ده. له دې پرته د مظاهرو نورې ویډیوګانې هم خپرې شوې دي. تفصیل د مشال راډیو د ایراني څانګې "فردا راډیو" له ویډیو په جوړ رپورټ کې.