د ژغورنې نړیواله کمېټې ای ار سي خبرداری ورکړی دی چې له پاکستانه د ایستل شويو افغان کډوالو له نیمایي زیاته برخه له تیاره برخلیک سره مخامخ ده.
کمېټې له پاکستانه د افغانانو د جبري ایستلو د پیل د سلمې ورځې په پار، پر خپله ایکس پاڼه په یوه بیان کې دا خبرداری ورکړی دی.
It%27s been 100 Days since the Pakistan government announced the return order of 1.7 million Afghans, and now over over half a million Afghans face a bleak future forcibly displaced within Afghanistan.Our statement: https://t.co/6o9GivUBNs
— IRC - International Rescue Committee (@RESCUEorg) February 9, 2024
د ژغورنې نړیوالې کمېټې په عین حال کې دا یادونه هم کړې ده چې هغه افغان وګړي چې د ځانګړو ویزو د پروګرامونو له لارې له خپلو کورنیو سره د بیا یوځای کېدو لپاره امریکا ته د تلو هڅه کوي له ګڼو ستونزو سره لاس او ګرېوان دي.
هغه کمېټه د تورخم دروازې په څېر په ځینو سیمو کې له افغان کډوالو سره د مرستې پروګرامونه لري.
همداراز د دې ادارې ۲۸ دفترونه په امریکا کې له خپلو کورنیو سره د افغانانو د بیا یوځای کېدو په برخه کې کار کوي.
دا په داسې حال کې ده چې د پاکستان حکومت د ۲۰۲۳ز کال د نومبر د لومړۍ نېټې راهیسې د بې اسناده کډوالو، چې زياتره يې افغان دي، د ایستلو لړۍ پيل کړې ده.
په پاکستان کې د ملګرو ملتونو د کډوالو ادارې چارواکي وایي چې تر اوسه څه باندې ۵۰۰،۰۰۰ افغانان خپل هېواد ته لېږدول شوي دي او دا بهیر روان دی.
د يو اېن اېچ سي ار په وينا، په پاکستان کې دا مهال شاوخوا ۱۴ لکه راجسټر افغان کډوال مېشت دي او شاوخوا همدومره شمېر ناراجسټر افغانان ژوند کوي.
د پاکستان حکومت وايي، له دې پرته څو لکه افغانان په ۲۰۲۱ز کال کې پر افغانستان د طالبانو له واکمنېدو راهیسې هلته ورغلي دي.
د حکومت په وینا، په دې توګه په هغه هېواد کې د ټولو بې اسناده افغانانو شمېر شاوخوا ۱۷ لکه دی.