د خیبر پښتونخوا نګران اعلا وزیر اعظم خان د ناروغۍ له کبله د نومبر پر ۱۰ ناوخته د پېښور په یو شخصي روغتون کې مړ شوی دی.
په پېښور کې د اعلا وزیر له دفتره نن، د نومبر پر ۱۱مه، په خپاره شوي بیان کې ویل شوي چې اعظم خان د خراب شوي صحت له کبله پرون د پېښور په یو روغتون کې داخل کړل شوی وو او بېګا یې سا ورکړې ده.
بیان لیکي چې د اعظم خان جنازه به نن درې نیمې بجې د چارسدې په پړانګو کې ترسره کېږي.
د پاکستان نګران وزيراعظم انوار الحق کاکړ د اعظم خان په مړينه خفګان څرګند کړی دي.
نگران وزیر اعلی خیبر پختونخواہ اعظم خان کے انتقال کی تکلیف دہ خبر ملی وہ یقینا ایک ایماندار اور نیک انسان تھے۔ اللہ تعالیٰ مرحوم کے درجات بلند فرمائے اور پسماندگان کو صبر جمیل عطا فرمائے ۔ آمین
— Anwaar ul Haq Kakar (@anwaar_kakar) November 11, 2023
اعظم خان د ۲۰۲۳م کال د جنورۍ پر ۲۱مه نېټه د خیبر پښتونخوا د نګران اعلا وزیر په توګه سوګند پورته کړی وو.
نوموړي له پېښور او لندنه د قانون په برخه کې زده کړې وې. هغه د خيبر پښتونخوا چيف سېکرټري او همداسې د وفاقي وزارتونو، مذهبي چارو او پیټروليم وفاقي سيکرټري هم پاتې شوی دی.