اسماعیل خان وايي حکومت او سیاسي ګوندونه دې د ناامنۍ د مسلې حل ولټوي

په مشال مرکه کې مو د پېښور نومیالی خبريال او شنونکی اسماعيل خان مېلمه کړی دی. نوموړی له ۱۹۹۰ز کال راهيسې خبریالي کوي او اوسمهال په پېښور کې د انګرېزۍ ژبې ورځپاڼې ډان مدير دی. شنونکی اسماعيل خان وايي، ترهګرۍ خيبر پښتونخوا تر ټولو زياته ځپلې ده او په صوبه کې امنیتي حالات ورځ تر بلې خرابېږي. دی وايي، د دې مسلې حل موندل خورا اړین دي ځکه چې پوځي عملیات هم شوي دي او ولس ډېر پرېشانه دی. دی وايي، د ناامنۍ ختمولو لپاره باید حکومت او د سیاسي ګوندونو مشران سره کښېني او یوه کړنلاره جوړه کړي. له اسماعیل خان سره بشپړه مرکه واورئ.