مریم نواز: چا چې عمران خان واک ته رسولی وو اوس یې یوازې پرېښی دی
ستاسې سېسټم د HTML5 په چلولو کې ستونزه لري.
د پاکستان مسلم لیګ (ن) مخکښه مشرانو یو ځل بیا تور پورې کړی دی چې د تحریک انصاف پخواني حکومت اقتصاد په خراب حالت کې پرېښی دی او دا چې عمران خان په درغلۍ په ۲۰۱۸ز کال کې واک ته رسېدلی وو. د ګوند مرستیالې مشرې مریم نواز د مې پر ۱۱مه په صوابۍ کې جلسې ته په وینا کې وویل، هغه کسان چې عمران خان یې واک ته رسولی وو، اوس یې یوازې پرېښی دی. تر دې مخکې هم پخوانیو مخالفه ګوندونو په بیا بیا تور پورې کړی وو چې امنیتي ادارې د عمران خان په انتخاباتي بریا کې رول لوبولی وو. دا هغه تور دی چې پوځ او د تحریک انصاف حکومت رد کړی وو او انتخاباتي کمېشن ویلي ول چې د ۲۰۱۸ز کال انتخابات پاک او منصفانه ول. پخواني وزیراعظم عمران خان دا هم ویلي ول چې خراب اقتصاد ورته په میراث کې پاتې وو چې د سمولو هڅې یې یې کولې. ویډیويي رپورټ.