د افغانستان لپاره د ملګرو ملتونو مرستندوی ماموریت یا یوناما مرستیالې مشرې میټي نودسن وایي، طالبان باید د نجونو د لوړو زده کړو ښوونځي زر تر زره خلاص کړي.
یوناما د مارچ پر ۲۷مه نېټه په یوه ټویټ کې ویلي چې میرمن نودسن پکتیا کې د طالبانو له والي مولوي محمد علي جان، د افغان ښځو، سوداګرو، د رسنیو، پوهنتونو او د مدني ټولنې له استازیو سره وليدل.
In Gardez today UNAMA dep-head @metknu met de facto Prov. Gov. Mawlavi Mohammad Ali Jan, Afghan women & business, media, univ & civsoc reps. UN envoy impressed upon Taliban reps need to keep their promise to the Afghan people with girls high schools being opened right away. pic.twitter.com/u5Nm5NADZV
— UNAMA News (@UNAMAnews) March 27, 2022
ټویټ زیاتوي چې نوموړې ټینګار کړی چې د طالبانو چارواکي باید له ژمنو سره سم د نجونو منځني ښوونځي او لیسې سمدستي بیرته پرانیزي.
طالبانو ژمنه کړې وه چې د افغانستان د نوي تعلیمي کال په لومړۍ ورځ به ښوونځي د ټولو نجونو او هلکانو پر مخ پرانیستل شي.
خو دوی د مارچ پر ۲۳مه له شپږم ټولګي پورته تر خلاصېدو یوازې څو ساعته وروسته د دغو ښوونځیو د بیا تړلو امر وکړ.