د سېپټېمبر له ۲۲مې به له پاکستانه برتانیې ته د مسافرو پر ورتګ سفري بندیزونه لیرې کړل شي.
د برتانیې د ټرانسپورټ وزیر رایټ هان ګرانټ شیپس د سېبټېمبر پر ۱۷مه پر خپله ټویټر پاڼه په بندیزونو کې د نرمۍ اعلان وکړ.
TRAVEL UPDATE🔊: we’re making testing easier for travel 🧳💉 From Mon 4 Oct, if you’re fully vax you won’t need a pre-departure test before arrival into England from a non-red country and from later in Oct, will be able to replace the day 2 PCR test with a cheaper lateral flow.
— Rt Hon Grant Shapps MP (@grantshapps) September 17, 2021
تر دې مخکې برتانیې د ۲۰۲۱م کال په اپرېل میاشت کې له پاکستانه برتانیې ته د مسافرو په ورتګ بندیز لګولی و. هغه وخت د کورونا وایرس ډیلټا بڼه په تېزۍ سره په خپرېدو وه چې کېسونه یې لومړی ځل په هند کې مخې ته راغلي ول.
د برتانیې لخوا تر دې اعلان وروسته د روغتیا د چارو لپاره د وزیراعظم ځانګړي سلاکار ډاکټر فېصل سلطان پر ټویټر پاڼه دا یوه خوشخبري بللی.
Great news for those waiting to travel. I am grateful to @CTurnerFCDO and others in the UK gov who engaged with our team for an in depth understanding of our epidemic response and systems as well as the ongoing sharing of data and information to enable disease security. https://t.co/qBFEjhB8wc
— Faisal Sultan (@fslsltn) September 17, 2021
د کورونا وایرس د څار قامي ادارې ( اېن سي او سي) مشر او د منصوبه بندۍ او ترقیاتي چارو وفاقي وزیر اسد عمر په پاکستان کې د برتانیې د های کمېشن د ملاتړ مننه کړې او ویلي یې دي چې ښه ده چې بالاخره دا فېصله وشوه.
Good to know finally the right decision taken to take Pakistan off red list. UK high commission in Pak has been supportive throughout. Support for conveying facts about the covid situation in Pakistan by UK parliamentarians is also highly appreciated https://t.co/LrIKX5ycRP
— Asad Umar (@Asad_Umar) September 17, 2021
د پېښور عمر کمال شاه یو له هغو کسانو دی چې د سفري بندیزونو له وجې په پاکستان کې ګېر پاته دی.
نوموړي د سېپټېمبر پر ۱۸مه له مشال راډیو سره په خبرو کې پر دې اعلان خوښي څرګنده کړه او ویې ویل چې له تېرو شاوخوا شپږو میاشتو راهیسې له ستونزو سره مخامخ ول.
ده زیاته کړه، "زه په مارچ کې د درې اوونیو په پروګرام راغلی وم خو پاکستان یې په سور لسټ کې شامل کړ. نو هغه درې اوونۍ دا دي په شپږو میاشتو کې بدلې شوې."
ده زیاته کړه، "یو خو به زه ۱۰ ورځې په هوټل کې بندیوان ومه او ۲،۲۰۰ پاونډ به مې ورکولای چې ما دا خرچه نه شوه برداشت کولای. بل دا چې له دې ځایه په مسقیمو پروازونو هم بندیز و. نو زموږ په شان کسان چې برتانوي شهریان دي، له ډېر مشکل سره مخامخ شو."
د برتانیې پر حکومتي ویبپاڼه لیکل شوي چې پاکستان په هغو اتو هېوادونو کې شامل دی چې د کورونا وایرس د مخنیوي په خاطر د احتیاطي تدابیرو له مخه ورباندې لګول شوي سفري بندیزونه به لېرې کړل شي او د هېوادونو د سور لېسټ نه به ژیړ هغه ته واړول شي.
From 22 Sept, eight countries will be removed from the red list, including Turkey. From 4 Oct, we will switch to a simplified travel list and pre-departure tests will be scrapped for eligible fully vaccinated passengers. Find out more 👉https://t.co/PHer3AOJQt#TravelSafely
— Department for Transport (@transportgovuk) September 17, 2021
عمر شاه وايي، برتانیې ته په ورتګ به ورته اوس هم د کورونا وایرس دوه ټسټونه کول وي. د دې تر څنګ باید یو فارم هم ور ډک کړي.
د برتانیې د ټرانسپورټ وزیر وویل چې د اکتوبر له څلورمې د هغو کسانو لپاره برتانیې ته په ورتګ شرطونه نرموي چې مکمل واکسین شوي وي.
نوموړي وویل چې د سور لیسټ علاوه هغو کسانو ته چې برتانیې ته سفر کوي، هلته د ورتګ مخکې به ورته پي سي ار ټسټ نه وي کول.
تر دې مخکې کاناډا د اپرېل له ۲۲مې د کورونا وایرس مخنیوي په خاطر له پاکستان او هند نه هغه هېواد ته د مسافرو پر ورتګ پابندي لګولې وه.
اېن سي او سي وایي، په پاکستان کې دا وخت د کووېډ-۱۹ د مثبتو کېسونو شرح څلور اشعارعیه څلور فیصده ده.
دا د جولای له ۱۳مې راهیسې په هېواد کې د مثبتو کېسونو تر ټولو کمه شرح ده.
د ادارې په خبره په پاکستان کې د کووېډ-۱۹ واکسینو تر دوه اویا میلین زیات خوراکونه ورکړل شوي دي.