د پاکستان حکومت وايي په تېرو ۲۴ ګينټو کې یې د کورونا وایرس دیرش زره، څلور سوه او دوه ټيسټونه کړي دي.
د کورونا په اړه حکومتي ويبپاڼې د مې په ۱۶مه ليکلي چې کورونا وایرس په تېر یو شواروز کې۷۶ کسان وژلي دي. په دې سره د ټولو کورونا وهلو شمېر له اتو لکو او اوه اویا زرو اوښتی چې پکې یې نورلس زره او پينځه سوه درې څلويښت مړه کړي خو نيزدې اوه لکه او نهه اتیا زره ترې بېرته رغېدلي هم دي.
Statistics 16 May 21: Total Tests in Last 24 Hours: 30,402Positive Cases: 2379Positivity % : 7.82%Deaths : 76
— NCOC (@OfficialNcoc) May 16, 2021
په همدې حال کې په پاکستان کې د کورونا وایرس مخنيوي لپاره د واکسينو کول هم روان دی. دا واکسين ۴۰ کلنو يا له دې څخه ډير عمر لرونکو کسانو ته کېږي.
د پاکستان پلان وزیر اسد عمر پر ټويټر له خلکو غوښتنه کړې چې د واکسينو دویمه ستنه دې خامخا ولګوي. هغه زیاته کړې چې اتيا فېصده خلک د کورونا وایرس دویمې ستنې لګولو ته ورځي خو په تېرو څو ورځو کې دا چاره ټکنۍ شوې.
Got my 2nd dose of vaccination today. Please do not delay your 2nd dose. Generally Pakistani%27s have been good about getting the 2nd dose on time with more than 80% doing so. However, in the last few days before eid there was a drop in the number of people coming for the 2nd dose
— Asad Umar (@Asad_Umar) May 15, 2021
پاکستان دا مهال د چين او روس واکسين خلکو ته لګوي. د ساينوفام او سپوتنيک واکسينونه په دوو ډوزونو (ستنو) کې کېږي. دوهمه هغه تر لومړي هغه درې يا څلور هفتې وروسته لګېږي.