نن د يو مسيد مشرانو په بلنه په ټانک کې د جنوبي وزيرستان د ډيپټي کميشنر په دفتر کې د امن راوستو لپاره جرګه وشو چې ورته د مسيدو د بېلا بېلو سيمو مشران او مخور ورغلي ول.
پښتون ژغورنې غورځنګ د جنوبي وزيرستان مشر رحمت شاه مسيد مشال راډيو ته وويل چې د دوی په سيمه کې ځايي ولس ناحقه ځورول کېږي او پورته کول کېږي.
د جرګې ګډونوالو وويل دوی د پوځ لخوا په بېلا بېلو نومونو ځورول کېږي او د ناامنۍ له هرې پېښې وروسته نيول کېږي او وهل ټکول ورکول کېږي.
د یو مسید جرګې راپور په ږغ کې دلته واورئ
ستاسې سېسټم د HTML5 په چلولو کې ستونزه لري.
نور امن غواړو: جنوبي وزیرستان جرګه
ګډونوالو وويل که چيرې پوځ په سيمه کې امن نه شي راوستلای او د ولس ساتنه نه شي کولای نو سيمه دې پرېږدي.
بلخوا د جنوبي وزيرستان چارواکي وايي چې پوځ په سيمه کې د امن راوستو لپاره له خپل ټول توانه کار اخلي او قربانۍ يې ورکړې دي. د دوی په وينا ځېنې خلک له وسله والو سره د اړيکو درلودو يا خواخوږۍ په تور نيول شوي چې له پلټنو وروسته بیرته خوشې شوې دي.