"په حرمزۍ کلي کې هره ورځ جنازې پورته کوو"

د پاکستان د بلوچستان صوبې حرمزۍ کلی د دې هېواد يو له هغو سيمو څخه دی چې کورونا وايرس تر ټولو زيات ځپلی دی. د ځايي خلکو په وينا په دې کلي کې د تيرې روژې او کوچني اختر په مياشتو کې تر ۴۰ زيات کسان مړه شوي چې د زياترو عمرونه له ۶۰ کلونو پورته وو. که څه هم د دې مړينو يو لامل د ځايي ولس بې احتياطي ښودل کېږي خو پر دې سربېره ځېنې نور لاملونه هم د دې مړينو سبب ګرځېدلي. احمد شاه اعظمي د حرمزۍ کلي له استوګنو سره غږېدلی او دا راپور يې چمتو کړی دی.