زموږ ماشومان ای فون نه بلکې یو قلم او یو کتاب غواړي
د تعلیم جهاني مبارزې ملالې یوسفزۍ ته نن اروپايي پارلېمان د ۲۰۱۳ز کال لپاره د سخاروف جایزه ورکړه. نوموړې ته دا انعام د فرانسې په سټراسبورګ کې ورکړل شو. پر دې مهال ملالې یوسفزۍ دا جایزه ((لوی ویاړ)) وباله او و یې ویل چې له دې سره تشویق شوه چې د تعلیم لپاره خپلې هلې ځلې جاري وساتي. د سخاروف جایزه هر کال هغو کسانو ته ورکول کېږي چې د بشري حقونو او د رایې اظهار ازادۍ دفاع کوي. د دې جایزې ارزښت ۶۵۰۰۰ امریکايي ډالره دی.