د مصر الوتکې تښتوونکي زیاتره مساپران خوشې کړي
یو کس چې په اړه یې فکر کېږي له ځان پورې یې چوونکي مواد تړلي او د اېجېپټ اېېر په نوم مصرۍ الوتکه یې تښتولې، زیاتره مساپران یې خوشې کړې دي. چارواکي وايي، دا الوتکه له سکندریه څخه قاهرې ته روانه وه خو تښتوونکي اړ کړه چې په قبرص کې ښکته شي. د هوايي شرکت چارواکي وايي، تښتوونکي د الوتکې زیاتره مساپران خوشې کړې دي خو پینځه بهرنیان او د الوتکې چلولو او انتظام عمله یې لا هم له ځانه سره ساتلې. د رویټرز خبري اژانس ویډيو چې کیپریوټ ټيليوېژن خپره کړې.