د امریکا ولسمشر ډانلډ ټرمپ وايي هغه ځان په دې خبره قانع کړی دی چې پر ایران به برید نه کوي.
ټرمپ د جنورۍ پر ۱۶مه له سپینې ماڼۍ د باندې خبریالانو سره د خبرو پر مهال وویل، تهران په مبینه ډول سلګونه پلان شوي اعدامونه لغوه کړي دي. د نوموړي په وینا ایران له ۸۰۰ د زیاتو کسانو د اعدامولو پلان جوړ کړی وو خو هېڅوک یې په دار نه کړل. ټرمپ وايي، همدا د ایران پر ضد د امریکې د پوځي اقدام څخه د تېرېدو مهمه نقطه ده.
د مشال راډیو د خبر مرکزي څانګه لیکي، ایران په زغرده نه دي ویلي چې ۸۰۰ کسان اعداموي او یا هم له خپلې هغې پرېکړې په شا شوی دی.
په ایران کې خلکو د ډېسېمبر پر ۲۸مه د ګرانۍ پر ضد مظاهرې پیل کړې چې ژر په حکومت ضد لاریونونو بدلې شوې.
د بشري حقونو ادارې وايي ايران کې له ۳،۰۰۰ زيات کسان وژل شوي او زرګونه زنداني شوي دي.
