د پیښور پوليس وايي د جنورۍ پر دویمه د ښار په حسن ګړۍ سیمه کې يو نر ښځی په ډزو وژل شوی دی.
د فقير اباد تاڼې يو چارواکي د نوم نه ښوولو په شرط مشال راډیو ته وویل چې د باسط په نامه د ۲۷ کلن نر ښځي پلار مومن خان د هغه د وژلو دعوه په وقار نومې کس کړې ده چې د وژل شوي نر ښخي ملګرې وو. د ملزم له خوا تر اوسه څه غبرګون مخې ته نه دی راغلی.
پوليس زیاتوي چې د قتل مقدمه يې درج کړې او پلټنې يې پيل کړې دي خو تر دې دمه يې د نر ښخي د قتل په تور څوک نيولي نه دي.
په خیبر پښتونخوا کې د نرښځيانو د حقونو لپاره کار کوونکي تنظيم ټرانسجېنډر الاینس د معلوماتو له مخې، له ۲۰۱۵م څخه تر ۲۰۲۴م کاله په دې صوبه کې ۱۲۵ نرښځيان وژل شوي وو.
