په روغتیا او درملنه خپرونه کې نن کوچنیانو ته د مور شیدو ورکولو پر ارزښت غږېدلي یو. د روغتیا نړیوال سازمان هر کال د اګست میاشتې لومړۍ اووه ورځې کوچنیانو ته د مور شیدو ورکولو په اړه پوهاوي ته ځانګړې کوي. روغتیاپالان وايي چې ماشومان باید تر شپږو میاشتو پورې یوازې د مور شیدې وڅښي ځکه هم هغه یې د وجود ټول ضرورتونه پوره کوي او مدافعتي نظام یې پیاوړی کوي. اورئ چې ماشوم ته د شیدو ورکولو سمه طریقه څه ده او میندې څنګه د شیدو پیداوار زیاتولای شي. په دې اړه تفصیل په خپرونه کې.