اوکراين او روسيې ويلي چې د جنګي بندیانو د تبادلې په يوه بله مرحله کې یې د ۱۹۰ زندانیانو د خوشې کولو پرېکړه کړې ده.
د روسيې د دفاع وزارت د جولای پر ۱۷مه پر ټېلېګرام ليکلي چې د متحده عربي اماراتو په مينځګړتوب یې ۹۵ اوکرايني بندیان خوشې کړې دي.
بل خوا د اوکراين ولسمشر وولوديمير زېلېنسکي هم ويلي چې ۹۵ روسي جنګي زندانیان مسکو ته لېږدوي.
روسیې د ۲۰۲۲ز کال په فبرورۍ کې پر اوکراين برید وکړ. په هغه جنګ کې د دواړو خواوو زرګونه سرتېري وژل شوي او ګڼ ژوندي نيول شوي دي.
مسکو او کييف وخت په وخت د نيول شويو بنديانو تبادله کوي او تر اوسه د دواړو خواوو سلګونه بنديان تبادله شوي دي.
