د جرمني هغه ۲۹ کلن پوليس افسر د جون پر دویمه تر هغې وروسته مړ شوی چې د مې پر ۳۱مه د اسلام ضد مظاهرې پر مهال په پرله پسې توګه په چاقو وهل شوی وو.
چاقو په لاس يو کس د جرمني د جنوب لوېديځ ښار مېنهېم په مارکېټ څلورلاره کې په بريد کې ځينې کسان ټپیان کړي ول.
په دې حمله کې د سختدريځه اسلام ضد د پېکس يوروپا په نوم کيمپنېزې ډلې لخوا جوړه شوې مظاهره کې برخه اخیستونکي پینځه کسان ژوبل شوي ول.
دا لا نه ده معلومه چې په افغانستان کې د زېږېدلي ۲۵کلن ځوان لخوا د شوې دې حملې هدف څه وو. پولیس وايي چې د نيولو پر مهال په ډزو کې د زخمي شوي دې کس جراحي يا سرجري شوې ده.
