د پاکستان د کرکټ لوبډله د مې پر ۲۵مه د انګلستان په وړاندې دویمه شل اوریزه لوبه کوي.
ټاکل شوې ده چې دا به د انګلستان په برمنګهم کې د پېښور له وخت سره سم د مازیګر پر شپږ نیمې بجې پیل شي.
د دې لوبډلو ترمنځ د څلور شل اوریزو لوبو د لړۍ لومړۍ هغه د مې پر ۲۲ مه وه خو د زیات باران له کبله نه وه ترسره شوې.
دوی به درېمه لوبه د مې پر ۲۷ او څلورمه هغه د مې پر ۳۰مه کوي. دا په داسې حال کې ده چې ټولې لوبډلې د کرکټ د شل اورونو نړیوال کپ ته تیاري کوي.
د کرکټ د ۲۰ اوریزو لوبو نړیوال کپ د جون له دویمې په امریکا او ویسټ انډیز کې پیلېږي او د پای لوبه یې د جون پر ۲۹مه ترسره کېږي.
