د پاکستان د بهرنیو چارو وزارت چارواکي وایي، د سعودي عرب د بهرنیو چارو وزیر په دوه ورځني سفر پاکستان ته ورځي.
د پاکستان د بهرنیو چارو وزارت د اپريل پر ۱۴مه په یوه بیان کې ویلي چې د شهزاده فیصل په مشرۍ د سعودي عرب یو لوړ پوړی پلاوی به د اپرېل په ۱۵ او ۱۶ د دواړو هېوادونو ترمینځ د اقتصادي همکاریو د زیاتولو د هڅو د یوې برخې په توګه پاکستان ته سفر وکړي.
په بیان کې راغلي دي چې د دې سفر مقصد د دوه اړخیزو همکاریو پراختیا او د دوه اړخیزو ګټورو اقتصادي همکاریو لپاره مثبته هڅونه یاد کړی دی.
د پاکستاني چارواکو په خبره چې سعودي عرب ژمنه کړې چې په راتلونکو پینځو کلونو کې به په پاکستان کې په بېلابېلو برخو کې ۲۵ اربه ډالره پانګونه وکړي.
