په عراق کې د ښځو لپاره د دروېشانو د نڅا د ښوونې مرکز خلاص شوی
د دروېشانو نڅا چې ورته رقصِ سماع هم ویل کېږي، په عامه توګه یې سړي کوي، خو د عراق د کورواکه کوردستان سیمې په مرکز اربیل کې یوې ښځې نورو ته د رقصِ سماع ښوولو مرکز پرانیستی دی. د درویشانو نڅا د ۱۳ مې پېړۍ د صوفي او شاعر مولانا جلال الدین رومي مریدانو پیل کړی چې اوس یې هم د نړۍ په یو شمېر هېوادونو کې د مولویه طریقت پیروان کوي. خو د ښځو لخوا د دروېشانو نڅا یو نوښت ګڼل کېږي. په دې اړه نور حال د اې اېف پي له ویډیو په جوړ رپورټ کې وګورئ.