د لاسرسي ځای

تازه خبر

د فلسطین د روغتیا څانګه وايي، تر وخت مخکې زيږيدلي ۳۰ ماشومان مصر ته وړي‌


په فلسطین کې یو له تر وخت مخکې زیږېدلو ماشومانو.
په فلسطین کې یو له تر وخت مخکې زیږېدلو ماشومانو.

د فلسطین د روغتیا څانګې چارواکي وايي، لږترلږه ۳۰ تر وخت مخکې زيږيدلي ماشومان د نومبر پر ۱۹مه د غزې له مرکزي روغتونه ایستل شوي او مصر ته به لیږدول کیږي.

د فلسطین د روغتیا وزارت ویاند مدحت عباس د ۳۰ ماشومانو ایستل تایید کړي دي.

د روغتیا نړیوال سازمان یوې ډلې د نومبر پر ۱۸مه د یاد روغتون تر دورې کولو وروسته وویل چې د غزې تر ټولو په دې لوی روغتون کې ۲۹۱ ناروغان اوس هم پاتې دي.

د دوی په خبره په پاتې شویو کې داسې ۳۲ ماشومان شامل دي چې په خورا نازک حالت کې دي. د دوی په وینا، نور هغه صدماتو ځپلي ناروغان چې سخت ژور زخمونه لري او نور داسې دي چې د ملا د ټپونو له وجې د حرکت توان نلري.

د مشال ځانګړې پاڼې

XS
SM
MD
LG