په افغانستان کې د طالبانو حکومت وایي په کابل کې چاودنې دوه تنه وژلي او نهه یې نور ټپي کړي دي.
د کابل د امنیه قومندانۍ ویاند خالد ځدراڼ رسنیو ته ویلي چې چاودنه د اکتوبر پر ۲۶مه په دشت برچې سیمه کې شوې ده.
عیني شاهدانو ویلي چې چاودنه د یوه ورزشي کلب مخې ته شوې ده.
تراوسه د چاودنې څرنګوالی معلوم نه دی او مسولیت یې هم کومې وسله والې ډلې پر غاړه نه دی اخیستی.
د کابل دشت برچي سیمه تر ډېره شیعه میشته سیمه ده، په عمومي توګه په شيعګانو د بریدونو مسولیت داعش وسله واله ډله اخلي.
