د دې اوونۍ د "هارون باچا هنري ګړۍ" خپرونې مېلمه د پېښور يو پېژندلی سندرغاړی خالد ملک دی. نوموړی اصلاً د صوابۍ دی خو په پېښور کې لوی شوی او هم له هغه ځايه يې د هنر پيل کړی دی. د ملک يوشمېر سندرې مشهورې شوې دي. دی البته وايي چې اوسمهال د يوې سندرې په جوړولو لږترلږه ۵۰،۰۰۰ روپۍ لګښت کېږي او په خبره يې چې پښتانه سندرغاړي له دې امله پرېشانه دي. د خالد ملک دا خبرې او ځينې سندرې يې په خپرونه کې اورېدای شئ.