د کرکټ د اسیا کپ په لړ کې د اګست پر ۳۱مه د سریلنکا لوبډلې بنګله دېش ته په پنځو وکټونو ماتې ورکړې ده.
د سریلنکا په پالې کېلې کې په تر سره شوې لوبه کې بنګله دېش تر پچې تر ګټلو وروسته لومړی د بیټنګ کولو پریکړه وکړه او مخالفې لوبډلې ته یې په ۴۳ اوورنو کې د ۱۶۵ منډو هدف ورکړ.
د سریلنکا لوبډلې دا هدف په ۳۹ اوورنو کې د پنځو وکټو په سر پوره کړ او د اسیا کپ دا دویمه لوبه یې وګټله.
د اسیا کپ د اګست پر ۳۰مه په پاکستان کې پیل شو او په لومړۍ لوبه کې پاکستان د نیپال لوبډلې ته ماته ورکړې وه . د افغانستان لومړۍ لوبه د سېپټمبر پر درېمه له بنګله دېش سره ده.
په اسیا کپ کې افغانستان، پاکستان، هندوستان، بنګله دیش، سریلانکا او نیپال ګډون لري.
