ولسمشر وولودیمیر زېلېنسکي د اوکراین لپاره د غربي هېوادونو ملاتړ ترلاسه کولو په برخه کې د پولینډ د هلو ځلو مننه کړې ده.
زېلېنسکي داراز ویلي دي چې تر هغو چې کییف او وارسا په ګډه کار کوي، روسیه اروپا ته ماتې نه شي ورکولای.
د اوکرایني ولسمشر دفتر ویلي چې زېلېنسکي د اپرېل پر پینځمه د وارسا د سفر پر مهال د پولینډ له وزیراعظم ماتیوش موراوېڅکي سره د دفاعي سامانونو د لېږد او د دوامداره پوځي ملاتړ باوري کولو لپاره یو سند لاسلیک کړ.
زېلېنسکي تر دې وروسته د وارسا په شاهي کلا کې په وینا کې اوکراین ته د پولینډ له لوري د پام وړ پوځي مرستو ورکړې مننه وکړه.
