د جنورۍ پر ۲۸مه، د اوکراین د ختیځې دونیڅک سیمې په یو ښار، کوستیانتېنېوکا کې د روس په بریدونو کې ۳ کسان وژل شوي دي.
په همدې حال کې اوکرایني ځواکونو ويلي چې د هېواد په ختيځه برخه کې د روسيوو ځواکونو سره په سخته جګړه بوخت دي. دا په داسې حال کې ده چې د غربي هېوادونو لخوا کیېف ته د نوو ټېنکونو ورکولو د ژمنو سره سم مسکو پر اوکراین کې خپلو بریدونو ته زور ورکړی دی.
د اوکراین ولسمشر وولودیمیر زېلېنسکي پر غربي اتحادیانو غږ کړی چې د اوږد واټن کره نښه ویشتونکي میزایل ورکړي. د هغه په وينا په دې سره به پر اوکرایني ښارونو د د روس د بریدونو قوت کم کړي.
