د خيبرپښتونخوا حکومت په ځينوسېلاب ځپلو سيمو کې خېمه هسپتالونه جوړوي
د خيبرپښتونخوا حکومت وايي، د صوبې په هغو سيمو کې چې د صحت بنيادي مرکزونه يې وروستيو سېلابونو په بشپړه او يا په جزوي توګه ويجاړ کړي دي، خېمه (ټېنټ) هسپتالونه جوړوي. د خيبرپښتونخوا د عامې روغتيا محکمې يو افسر ډاکټر سهيل فاروقي د سېپټېمبر پر۲۶مه مشال راډيو ته وويل، دا ۱۰ هسپتالونه به د ملګرو ملتونو د ماشومانو د ادارې (يونيسيف) په مرسته په راتلونکو درو اوونيو کې جوړ او پکې به د علاج معالجې چارې پيل شي. زموږ خبريال هارون باچا له ډاکټر فاروقي سره مرکه کړې او په سر کې يې ترې پوښتلي چې حکومت د خېمه هسپتالونو لپاره د صوبې د کومو سيمو انتخاب کړی دی؟