پوهان: د پاکستان ابادۍ زیاتېدو مخنیوی مهم دی
د پاکستان ولسمشر عارف علوي ويلي دي چې د هېواد زیاتېدونکې ابادي باید کنټرول شي. نوموړي د جولای پر ۱۱مه په یوه ویډیويي بیان کې وویل چې د نفوسو زیاتېدل د هېواد د پرمختګ په لاره کې خنډ دروي. د ۲۰۱۷ز کال له سرشمېرنې سره سم، د پاکستان ابادي څه د پاسه ۲۱۳ مېلیونه ده. د نړۍ د نفوسو په اړه د یوې ووبپاڼې په وینا، پاکستان د ابادۍ له پلوه د دنیا پینځم لوی هېواد دی. شنونکي او پوهان وايي، په هغه هېواد کې د کورنۍ پلانولو په اړه د پوهاوي اړتیا ده. د ابادۍ زیاتېدو رفتار کنټرولولو په اړه ځانګړی رپورټ.