د روسیې ملاتړ لرونکي بېلتونپالي وسله وال ادعا کوي چې د اوکراین په ختيځ کې یې لېسېچانسک ښار محاصره کړی دی.
خو اوکرايني چارواکي دا ادعا ردوي او وايي چې ځواکونه یې د ښار دفاع ته دوام ورکوي.
د اوکراين ملي ساتونکو وياند روسلان موزېتچوک د جولای پر درېیمه وويل چې هغه ښار لا هم د اوکراينيو پوځيانو په لاس کې دی.
روسي ځواکونه له یوشمېر ورځو راهیسې پر لېسېچانسک راکټونه او توغندي وروي او بريدونه یې زیات کړي دي.
روسيې د ۲۰۲۲ز کال د فرورۍ پر ۲۴مه پر اوکراين یرغل وکړ. د هغه هېواد ځواکونو په وروستيو کې د اوکراين پر ختيځ بریدونو ته زور ورکړی او ځينې سيمې یې نيولې هم دي.
