د اروپايي ټولنې ۲۷ غړي هیوادونه پر روسیه د نورو بندیزونو پر لګولو سلا شوي دي.
دا خبره د اروپايي ټولنې مشر چارلس مایکل د مې پر ۳۰ مه کړې ده. هغه ويلي د دې بندیزونو له مخې به اروپايي ټولنې ته د روس د تېلو په دريوو کې دوه برخې په سمدستي توګه بندې کړل شي.
دا بندیزونه یوازې پر هغو تېلو دي چې د سمندر له لارې انتقالېږي او د پایپ لاین له لارې ورکول کېدونکي تېل پکې په لنډمهاله توګه شامل نه دي.
مایکل ویلي چې دا به د روس له جنګي مشین څخه یو پراخه مالي سرچینه وتړي.
