د پاکستان په خيبر پښتونخوا او سیند صوبو کې له پاکستان تحريک انصاف ګوند سره اړه لرونکو ګورنرانو استعفا ورکړې ده.
د سیند ګورنر عمران اسماعيل پرون (اپريل ۱۱مه) په خپل استعفاليک کې ليکلی چې دی د پاکستان له نوي وزيراعظم شهباز شريف سره په حکومت کې کار نه کول غواړي.
تر دې يوه ورځ مخکې د خيبر پښتونخوا ګورنر شاه فرمان هم په خپل استعفاليک کې ورته خبرې ليکلي وې.
د پاکستان تحريک انصاف ګوند مشر عمران خان د اپريل پر ۱۰مه د قامي اسمبلۍ لخوا د عدم اعتماد تحريک له لارې د وزيراعظمۍ له دندې لیرې ګړل شو او پر ځای یې د پاکستان مسلم ليګ (ن) مشر، ميا محمد شهباز شريف انتخاب شو.
