د اسلامي هېوادونو د همکارۍ سازمان د غړو هېوادونو ځيني استازي اسلام اباد ته رسېدلي دي. دوی د مارچ پر۲ ۲مه او ۲۳مه کېدونکې د دې سازمان په غونډه کې ګډون کوي. د دې غونډې موضوع د يووالي، انصاف او پرمختيا لپاره همکاري کول دي.
د پاکستان سرکاري خبري اژانس (ایسوشیټېد پریس اف پاکستان) په خپله ویبپاڼه لیکلي چې د او ايي سي د بهرنیو چارو د شورا په ۴۸مې غونډه کې به اسلامي هېوادونو ته د ورپېښو امنیتي، سیاسي، اقتصادي او ټولنیزو ننګونو او د فلسطین او د هند تر انتظام لاندې کشمیر په اړه هم بحث کېږي.
د اسلامي هېوادونو همکارۍ سازمان کې د پاکستان په ګډون ۵۷ هېوادونه شامل دي.
