د پاکستان حکومت نن (مارچ اتمه) د صنفي برابرۍ پالیسي اعلان کړه.
د دې هېواد د پلان وزير اسد عمر نن (مارچ اتمه) په اسلام اباد کې خبريالانو ته وويل چې د دې پاليسۍ له لارې به ښځو ته د کار په برخه کې د نارينوو په څېر مساوي موقعې برابروي.
نوموړي زیاته کړه چې هڅه کوي حکومت یې په ښوونځيو کې د هلکانو هومره جينکۍ داخلې کړي. د هغه په وينا د تعليم، روغتيا او روزګار په برخه کې ښځو ته ډېر چيلنجونه په مخ کې دي چې دوی یې د هوارولو هڅه کوي.
نوموړي دا اعلان په داسې حال کې وکړ چې نن د ښځو نړيواله ورځ لمانځل کېږي او د ملګرو ملتونو لخوا سږ کال د دې ورځې مقصد صنفي برابرۍ ته کار کول دی.
