د لاسرسي ځای

تازه خبر

خیبر پښتونخوا کې د کورونا وایرس د نوې اومېکرون بڼې ۵۲ پېښې ثبت شوي


د روغتیا نړیوال سازمان (ډبلیو اېچ او) وايي، لومړنۍ څېړنې ښيي چې اومېکرون بڼه د پخوانیو هغو پرتله په تېزۍ خپرېږي. انځور- ارشیف
د روغتیا نړیوال سازمان (ډبلیو اېچ او) وايي، لومړنۍ څېړنې ښيي چې اومېکرون بڼه د پخوانیو هغو پرتله په تېزۍ خپرېږي. انځور- ارشیف

په خیبر پښتونخوا کې د کووېډ-۱۹ وبا د څار او کنټرول اداره وايي، د صوبې په ۱۰ ضلعو کې یې د کورونا وایرس د نوې اومېکرون بڼې ۵۲ پېښې تایید کړې دي.

د ادارې مشر ډاکتر اکرام الله د جنورۍ پر ۱۳مه مشال راډیو ته وویل، اوسمهال د پېښور په ګډون په ۱۰ ضلعو کې په هغو کسانو پسې ګرځي چې په اومېکرون بڼې له اخته شویو سره په رابطه کې پاتې شوي ول.

د روغتیا نړیوال سازمان (ډبلیو اېچ او) وايي، لومړنۍ څېړنې ښيي چې اومېکرون بڼه د پخوانیو هغو پرتله په تېزۍ خپرېږي.

د کورونا وایرس دا نوې بڼه لومړۍ په جنوبي افریقا کې وموندل شوه. په پاکستان کې د روغتیا ملي مرکز (اېن ای اېچ) د ډېسېمبر په پای کې په هغه هېواد کې د اومېکرون لسګونه پېښې تایید کړې.

هلته د اومېکرون بڼې لومړۍ پېښه په کراچۍ کې ثبت شوې وه چې د پاکستان تر ټولو لوی ښار دی. په همدې حال کې له تېرې یوې اوونۍ راهیسې په پاکستان کې د کورونا وایرس پېښې په زیاتېدو دي.

د وبا په اړه حکومتي ووبپاڼې د جنورۍ پر ۱۴مه ویلي چې په تېرو ۲۴ ساعتونو کې په پاکستان کې د کورونا وایرس ۳۵۶۷ پېښې ثبت شوې دي چې ورسره په ۲۰۲۰ز کال کې د وبا له پیل راهیسې په هغه هېواد کې د وړجنو کسانو رسمي شمېر تر ۱۳ لکه لوړ شوی دی.

هلته تر اوسه له ناروغۍ څخه ۲۸۹۹۹ کسان مړه شوي خو تر ۱۲ لکه ۶۰۰۰۰ زیات کسان ورڅخه رغېدلي دي.

XS
SM
MD
LG